Грантова шема за поддршка на претпријатијата (Greening Business Facility)

Агенцијата за иновации, научно-технолошки развој и претприемништво, во декември 2025 година пошпиша договор со Делегацијата на Европската Унија за спроведување на проектот Greening Business Facility.

Цели на проектот

Целта на проектот е да ја поддржи Република Северна Македонија во постигнувањето на целите за климатска неутралност утврдени во Зелената агенда за Западен Балкан, преку поддршка и инвестиции во претпријатијата насочени кон спроведување на еколошки одржливи практики.

Специфичната цел на проектот е развивање на финансиски инструменти преку кои ќе се ко-финансираат активностите на малите и средни претпријатија во нивната транзиција кои “зелено” работење.

Очекувани резултати

300 претпријатија кои ќе бидат поддржани преку финансиските инструменти на проектот;

8 милиони евра финансиско учество од страна на приватниот сектор во проектите кои ќе кои ќе бидат поддржани преку финансиските инструменти на проектот;
Спроведување на меѓународни стандарди кај 180 претпријатија;
Отворање на 700 нови работни места;
Намалување на користењето на природните ресурси за 20%;
Зголемување на приходот кај поддржаните претпријатија за 10%.

Главни активности:

Институционална поддршка за имплементација на предвидената грантова-шемa преку воспоставување на соработка со државните институции, стопанските комори и останатите чинители за поголема промоција на проектот
Зајакнување на капацитетите на вработените во ИНОВА преку спроведување на обуки за вработени кои ќе бидат директно вклучени во активности поврзани со реализација на проектот.
Објавување на јавни повици за реализација на проекти преку доделување на средства во рамките на предвидените финансиски инструменти.
Воспоставување на нова веб страна на ИНОВА за поддршка и советување на МСП во однос на мерки кои ги реализира Агенцијата
Следење на имплементацијата на грантовата шема преку воспоставување на систем за редовно следење и известување на спроведувањето на проектите и оценка на постигнатите резултати и влијание од истите.

Времетраење на проектот:

15.1.2026-15.1.2030 (48 месеци)

Вредност на проектот:

Вредноста на проектот изнесува од 25 милиони евра и истиот се кофинасира од страна на Европската унија и Владата на Република Северна Македонија.

Финансиски инструменти

Следниве финансиски инструменти ќе се имплементираат во рамките на проектот:

Советодавна поддршка за спроведување на меѓународни стандарди до 5.000 евра (потребно ко-финансирање од страна на апликантот од најмалку 20%)
Мали ко-грантови до 30.000 евра (потребно ко-финансирање од страна на апликантот од најмалку 30%)

Големи ко-грантови до 300.000 евра (потребно ко-финансирање од страна на апликантот од најмалку 50%)